كورس تخسيس

[طموح لامحدود]

معلومات المتقدم بالاستفسار :
العمر : 22 , الجنس : ذكر

الطول :185 متر
الوزن : 100 كيلوجرام

نسبة الدهون : 28

و الاستفسار كالتالي :
السلام عليكم كيفكم يابطال

قبل كم يوم نزلت موضوع وهالمره الثانيه للي انزل فيها بخصوص بعض المكملات

داخل وبقوه وناوي ان شاءالله اني اواصل وحقق حلمي ووصل الوزن المطلوب صارلي اسبوع على رجيم ونزلت 5 كيلز فقط بدون اي رياضه!!!بس عدلت نظامي الغذائي ولي هوه

وجبه1: 2 بياض بيض+2شريح جبن خالي دسم+نص خبز اسمر
وجبه2:1تونه كبير+نص خبز اسمر+قطعه واحده جبن خالي الدسم
وجبه3:3صدور دجاج صغير الحجم+قطعه واحده جبن خالي الدسم
وجبه4:ساندوج 2بياض بيض+قطعه جبن خالي الدسم
وجبه5:زبادي او تونه او صدر دجاج

وفي اي وقت احس بخمول او دوخه كوب شاهي احمر قليل اسكر بس مره فاليوم


ومن بكره راح ابدا بالجم وراح ادخل اوكسي ليت+ايزو100زيرو فات وكارب+كروميوم

وسوالي هوه ابي اي مكمل ثاني يحول الدهون الى طاقه؟ ومكمل ثاني يزيد من ضخ الدم للعضله المطلوبه فالجدول


وهل في اي تعارض؟ ولو ممكن بس تفيدوني كيف الاستخدام من حيث الكروميوم ومكمل لي يحول الدهون الا طاقه ولي يزيد الضخ

وفي سوال ثاني انا في مرحلت تخسيس هل بيفيدني رفع نسبه الانسولين بعد التمرين؟ وهل صحيح فايده رفع نسبه الانسولين يسرع عمليه امتصاص البروتين؟
وهل ادخل امينو1000 لتنشيف؟

وفي سوال اخر شو فايده الجلوتامين هل ينفع مع هالكورس؟ له علاقه بلتخسيس؟

وبخصوص الكاريدو اول اسبوع مشي ٢٠ دقيقه عادي قبل وبعد رفع الحديد
وثاني اسبوع ازيد نسبه الكاريدو ٣٠ دقيقه مشي عادي قبل وبعد
وثالث اسبوع ٣٠ دقيقه كاريدو بنظام هتس قبل رفع الحديد وبعد رفع الحديد ٣٠ دقيقه عادي اول اغير اخلي الهتس بعد الرفع؟ عشان الطاقه ؟ بخبرتكم نستفيد

واسموحه على الاطاله ياخوان وجزاكم الله الف خير

[StronGest]

جدولك ممتاز بس الصبح لو تخلي شوفان مع حليب خالي الدسم يشبعك ويمدك بالطاقة على مدار اليوم ... الجبن اللي مع التونة وصدور الدجاج شيله
يبيلك سلطة.. وفواكة قبل التمرين ويبيلك مالتي فايتمن ... الكروميوم تاخذه مع الوجبه اللي فيها فواكة او خبز يساعد في تحكم مستوى الانسولين
لو تبدله بالكرنتاين افضل يساعد على تحويل الدهون لطاقة ... اوكسي اليت وايزو 100 مو الحين اصبر لين تنتظم فترة بالنادي ويثبت جسمك. بعدين دخلهم عشان تستفيد منهم
خذ لك قهوة سادة او نسكافية قبل التمرين بتساعدك وتعطيك طاقة ومايحتاج تاخذ لا جلوتامين ولا امينو الحين ... رفع نسبة الانسولين تحسن من امتصاص البروتين بس انت في مرحلة تخسيس مو لازم ترفع الانسولين
وتقدر تاخذ موزة او تفاحة بعد التمرين ترفع مستوى الانسولين .... ان شاء الله ماكون نسيت شي ... بالتوفيق

[طموح لامحدود]

مشكور ياشيخ على ردك الجميل ولاكن عندي بعض الملاحظات
الجبن مع التونه وصدور الدجاج اختار وجبه وحده منهن وانا اخير
والسلطه للاسف ما اقدر اكلها ارجع ع طول بس اقدر اكل خيار والفواكه ماجت في بالي احطها في جدولي وبالنسبه للمالتي فايتمن ماعرف شو الفايده منه ولا قد جربته ابد ياليت تفيدني فيه واذ كان يحبس مويه فانا بستغني عنه

وبالنسبه للكروميوم على حسب علمي يوخذ قبل الافطار وحبه قبل التمرين فهل هذا صحيح؟ وهل اقدر اخذه مع الكرنتاين؟

المشكله ما اقدر استغني عن الاوكسي لان انا راح ادخل في وظيفه وهي شوي حساسه المفروض انزل وزني ظمن شروط القبول فهذه المشكله فعشان كذا راح ادخله
والبروتين المشكله ما اسد حاجتي منه من خلال الوجبات فانا طولي ١٨٥ ووزني ١٠٠ فيعني ع الاقل لازم ع مدار اليوم نسبه البروتين لي راح اكلها اكثر عن ٣٠٠ والنسبه هذي وجباتي ماتمدني فيها ف باخذ بروتين مره باليوم او مرتين صباح+بعد التمرين
والله يجزاااااك خير ماقصرت يالغلا على ردك ومعلوماتك القيمه
ولو تكرمتم ممكن ترفعون لي صوره للكرنتاين لان اول مره اسمع فيه ووش افضل نوع وهل اقدر اخذه مع اوكسي ليت+كروميوم+بروتين ولا فيه تعارض؟

[Dr.Kisame]

ملاحظات صغيرة من مجرب :

# اتركك الحين من اي حارق دهون بالوقت الحالي . لحد ما تقرب من وزن 90 كيلو .
# اخر وجبة لو تحاول تخففها شوي وتعتمد فيها على شغلة سريع الامتصاص و ياحبذا تكون بروتين مثل الايزو 100 .
# مابعتقد الامينو راح ينفعك كثير الحين .
# ولا حتى الجلوتامين , لانه مابعتقد عندك الحجم العضلي الكافي الي ممكن تخاف انه يضيع منك .
# الموزة بعد التمرين راح تشغل لك الانسولين .
# لاحظت شئ غريب هو عدم اهتمامك بالكارديو , مع العلم هو الحل الاسرع و الامثل و المضاد للترهلات , حاول تخلي الكارديو مابين 25 - 30 دقيقة و خليهم قبل التمرين .
# لاترهق نفسك بالاوزان وركز بطريقة التمرين و ياحبذا تكرارات متتالية ( 12 تكرار ) باوزان متوسطة و خفيفة .

بالتوفيق يابطل ..

[StronGest]

الاوكسي اليت ممتاز وبيفيدك بس انت اول فترة بتنحف من غيره لانك بادي تسوي رياضة وتحرق دهونك بعد فترة حيوقف نزولك لان جسمك تعود على مجهودك في الرياضة وقتها تاخذ اوكسي اليت يخليك تكمل تنحف.. والخيار الاول والاخير لك ...
المالتي فايتمن مايحبس موية هو يعطيك الفيتامينات اللي محتاجها جسمك خصوصا مع الدايت وانت ماتاكل خضار وفواكه فهو يعوضك عنها وتلقاه في الصيدلية ....
احتياجك للبروتين 2 غرام لكل كيلو من وزنك يعني 200 غرام اكثر من كذا تتعب جسمك على الفاضي ...
الكروميوم خذه مع الفطور ومع وجبة قبل التمرين ومايحتاج معه كرنتاين ..
بالتوفيق

[طموح لامحدود]

مشكورين ياشباب جزاكم الله خير
بخصوص الكروميوم مع الوجبه ع طول ولا انتظر نصف ساعه؟ وهل ينطبق مع وجبه لي قبل التمرين نفس الشيء؟

يعطيكم العافيه