معلومات المتقدم بالاستفسار :
العمر : 27 , الجنس : ذكر
الطول :215 متر
الوزن : 150 كيلوجرام
نسبة الدهون : 32.4
و الاستفسار كالتالي :
السلام عليكم ورحمه الله وبركاته
انا جديد بعالم الحديد .. اود ان ادخل عالم كمال الاجسام ذلك لسبب واحد بديت احس عضلات مب قادره تشيل جسمي او بالاحرى ضعيفه جدآ جدآ واذا ماكانت معدومه .. ومثل ماانتم عارف انسان بطولي يحتاج للياقه بدنيه على اقل تقدير وانا انسان مافيني لياقه بدنيه ويمكن فيني بس 10 بالميه من اللياقه البدنيه .. ناوي بأذن الله سبحانه
اني ارفع هاللياقه وانا حاب اني ادخل عالم كمال الاجسام من زمان بس ضعف الاراده والكسل سيطروا علي
بس ان شاءالله نويت اني اغير روتيني وابدا اشتغل بجهد حقيقي واهتم بنفسي لاني عرفت لو ظليت على هالحال لما اكبر راح اتاثر كثير وخصوصآ ان جسمي كبير وبنفس الوقت .. انا صاحب ( ضغط دم مرتفع ) بدون الرياضه المرض يذبحني .. وانا اتمنى اوصل لجسم رياضي وصاحب لياقه وبنفس الوقت ابي ادخل تضخيم واقوي عضلات الظهر والاذرعه والارجل لجل تقدر تشيل جسمي على الاقل واقدر اسوي عالاقل لو عدد 1 من تمرين البوشب الي هو الضغط !! وانا جديد ولحد الحين مابديت وناوي من الاحد ابدى ادخل الجيم وادخل هالعالم بس محتاج لنصائحكم وخبراتكم ,, وعندي اسأله محتاج لها اجوبه وتوضيح :
1- مرض ( ضغط الدم المرتفع ) هل يأثر الكرياتين والبروتينات والمكملات ومنتجات البور الى اخره .. على صاحب ضغط الدم المرتفع ؟؟
2- هل لما ابدى الحديد اعرف ان اول ثلاث اسابيع او اول شهر تلعب متكامل صحيح ؟؟ وهل هالفتره اقدر اخذ فيها مكملات ؟؟
3- هل تنصحوني اقلل الدهون الي بجسمي بالاول بعدها ادخل ضخامه .. او العكس ؟؟
4- بالنسبه لتغذيه تقريبآ عندي خلفيه بسيطه بالنظام الغذائي بس انا عندي مشكله ان الدجاج خير شر ماكله .. هل هناك بديل لصدر الدجاج سواء بحبوب او شي ثاني ابدله بصدر الدجاج ؟؟
5- ايش الاشياء المطلوبه مني اخذها لضخامه ؟؟ واذا احتجت تنشيف ايش الي لازم اخذه ؟؟
6- ممكن تفيدوني بمكملات ماتأثر بضغط الدم المرتفع او منتجات البور .. الخ .. او هل في ماده معينه ابعد عنها تكون ضاره لي ؟؟
7- وكيف نظام اخذ المكملات هذا الي ابد ماعرفه اقراه بس مافهمه ابد ابد متى اخذه .. الخ ؟؟
8- ماعرف كيف اسوي لي جدول مناسب لي .. وانا بينت لكم الهدف من دخولي بهذا العالم ضخامه عضليه واكسب لياقه بدنيه حتى لو كانت بسيطه ؟؟
واســف عالاطاله .. جديد وفي كثير اسأله بالي محتاج لها جواب ( استحملوني ههه )
المشاركة الأصلية كتبت بواسطة S.Alhitmi
