استفسار بخصوص مكملاتي وبرنامج التدريب...
السلام عليكم ورحمـة الله وبركاته
انا اخوكم عبدالعزيز من الكويت عمري 18 شهر 6 اكمل 18 بالضبط
وزني اخر مره قسته قبل شهرين او 3 شهور كان 108
اشتركت بنادي صحي صارلي فيه شهر او 20 يوم
ونشيل منهم 8 ايام ايام الراحه
يعني شهر او 12 يوم
وانا اسعملت نوعين من الادويه النوع الاول ليبو 6
يمكن استعملته 17 او 18 يوم وبعدها ماكملت العلبه .. لانه في محل شريت منه دوا ثاني قالي انه الليبو 6 يسوي جلطه ويسكر شرأين !!
الدوا الثاني سفن سليم الجديد من شركة امانه كير ..
باجي في 4 كبسولات واخلصه ..
وانا ضعفت ماقول ماضعفت وفي بجسمي ترهلات كثيره .. لاكن هم ابي اكثر واكثر انزل
عندي جم سؤال بسآل الشباب وتكفى لحد يقصر معاي
هل الليبو 6 ضار ؟
انا العب حديد + سويدي صح ولا غلط ؟
جدولي بالنادي كالتالي
صدر + باي + التسخين 10 دقائق ستربس مستوى الرابع + ركض 7 دقائق ومشي سريع من 8 دقائق الى 10 دقائق + 4 جولات معده التكرار 20 احيانا دراجه 10 دقائق + قبل لا اطلع جميع اجهزه المعده !!
بطان + تراي + التسخين 10 دقائق ستربس مستوى الرابع + ركض 7 دقائق ومشي سريع من 8 دقائق الى 10 دقائق + 4 جولات معده التكرار 20 احيانا دراجه 10 دقائق + قبل لا اطلع معده جهازين + ستربس 8 دقائق
اكتاف + مثلثات + التسخين 10 دقائق ستربس مستوى الرابع + ركض 7 دقائق ومشي سريع من 8 دقائق الى 10 دقائق + 4 جولات معده التكرار 20 احيانا دراجه 10 دقائق + قبل ما اطلع جري لمده 8 دقائق متواصله
ومره بالاسبوع سواعد وارجل !!
هل الي قاعد اسوي صح ؟
ومره لعبت معده 6 جولات والجوله بـ 50 رجع للبيت رجعت
شنو السبب ؟
وشنو تنصحوني فيه .. وعلى فكره واحد يقربلي قالي السوبر تشارج ضار بالنسبه لي انا الي يعطي باور قبل التمرين
هل هذا الكلام ؟ صحيح ام لا ؟
والمدرب نصحني اني اخذ امينو اسد !!
فتكفى ساعدوني وخطوه بخطوه ان شاء الله اتحسن ^_^
ويعطيكم الف الف عافيه وانا بنتأظركم ..
اخوكم : عبدالعزيز
