صح كلامك اهيا مكلفه جدا لكن كل شي على حساب شي انت ضحيت بالراحه وبالوقت وبالمال لكن مو ببلاش بالمقابل جسم رياضي وصحي ومتناسق وهذا معناته انك ناجح في حياتك لأنك قدرت توصل لهدفك والنفسيه ترا ماكو احد فينا ما تجيه حالات نفسيته تتعب الله يعلم انه انا طالب و 80% من مصروفي على النادي والمكملات والاكل حتى مو موظف لكن الحمد الله مرتاح وانت لا تاخذها على انك لازم تنام بهالوقت ولازم تاكل بهالوقت احنا مو محترفين ولا داخلين بطولة مو معناته كلامي انك ما تاكل عدل ولا تنام عدل لا يعني على اللي تقدر عليه اخذ الموضوع تسليه تدري انا شنو تسليتي ؟؟؟ لما اروح النادي واتمرن اهني احس بالوناسه وتعرف على ناس او روح مع ربع يشجعونك واي احد كلامه يحبطك لا تسمعه وياخي بدال لا تصرف فلوسك على مطاعم وتلفونات وقهاوي ووو .. شغلات ما منها فايده قطها على جسمك ترا اللعبه هذي وايد حلوه ولو تشوف ابطال العالم يلعبونها 15 - 20 سنه وما يملون حاول تغير بتمرينك وحاول تلعب كل شي ما تهد ولا عضله .. جرب تمارين جديده نوع بالتمرين واخذها وناسه واهم شي قلتلك تعرف على احد او خل احد من ربعك يشترك بالنادي اما بتروح بروحك بتحس بعض الاحيان بملل ...
موفق
وبصراحة النادي وخاصة كمال الاجسام فرصة لاخراج الطاقة والشحن الموجود في الجسم المتولد من ضغوط الحياة والعمل ، اطلع دائما من النادي رايق وممبسوط وفريش بعكس الايام اللي ماكنت اروح فيها للنادي كانت ايام الله يعلم بها ، طبعاً نظمت نومي ماعاد فيه نوم من بعد الدوام الين الساعة 10 بالليل اصحى ونفسي راس خشمي خخخخخخخخخخخخخ ماعاد في وقت فراغ ، النادي وبعدها اشوف البيت وش يبي نروح وين نزور مين وبعدها ننام بدري يعني قبل 12 ،