اخواني اتمنى تفيدوني في افضل نادي في جــدة ويكون قريب ( اتمنى التفاعل )

[cr77m]

السلام عليكم ورحمة الله وبركاته

اخواني انا ناوي ادخل نادي صحي ( شامل )

حديد + لياقة + سباحة + تخسيس وطبعا حمام ساونة وبخار وما الى ذلك من الاضافات

واعجبني فيتنيس تايم لانه عندهم جهاز لزيادة الطول ( للعلم طولي 162 فقط ) لكن كل الفروع ليست قريبة مني

وانا اتمنى اطول قليلا عشان الجسم يكون منظم لو اردت ان اتدرب حديد واربي عضل

وعمري الان 20 سنة الاحياء القريبة مني ( بني مالك - السلامة - الفيصلية - الروضة )

واتمنى ان يكون هناك اجهزة للطول مثل فيتنيس تايم ( وقت اللياقة ) ويكون قد المستوى ويكون نظيف

ومدربين بمستوى جيد واذا في نوادي جيدة في احياء اخرى اتمنى ذكرها

وشكرا لكم مقدما .!!

[THh Rock]

وعليكم السلام
صراحه عجبتني كلمة اربي عضل ههههههههههههههههههههههههههه
يالتوفيق اخوي وان شاء الله الاخوان في جده يفيدوك
وفي موضوع في القسم العام حق الانديه ادخل عليه وشوف تجارب الاعضاء
موفق اخوي

[. الـشـمـري .]

وعليكم السلام هلا و سهلا

نادي استيل في حي السليمانيه ,, تحت ابراج درة المقري

نادي جيد ,, ووصلت اجهزه جديده و مدربين على مستوى

موفق خير

وودي

[abu kinan]

عزيزي في موضوع في القسم العام اسمه ( شاركنا رأيك في اي نادي اشتركت فيه )
في تجارب لشباب من جده ادخل وشوف اللي يناسبك ولكن نصيحة من اخ
حاول ماتاخد فترة اشتراك طويلة ابدا ممكن ما يناسبك النادي وتكره اللعبه من وراه ولا تداوم بعد
حاول تاخد شهر قدر الامكان
ولو مافي امكانية فاوضهم تجرب يوم او يومين او حتى نظام زوار تدفع على الزيارة معليش تخسر 100 ولا 200 ريال ولا تخسر اشتراك سنة كاملة

[مرتزقه]

الله يعينك, بس ترا فيتنس تايم يستاهل المشوار حتا لو الف كيلو > لوول
نادي نادي وربي..
المهم ترا بجدا في اكثر من فرع لفتنس تايم شيك بموقعهم شوف يمكن تحصل واحد قريب, + قبل شهر تقريباً أفتتحوا مركزين كمان بجدا يمكن يكون واحد منهم عند بيتك ماتدري
+ ايش الجهاز الي تقول عليه يطوول ؟ قصدك العلقه ؟ > انا بفتنس تايم ولا عمري شفت جهاز غير زي كذا

[cr77m]

شكــرا لكـم جميعا على نصائحكم وردودكم وحاولت اقرب المسافة لنفسي اني اقنع نفسي بتفنيس تايم لكن حتى اقرب فرع ليا مشواااااااااار

abu kinan

والله الى الحين ماشيكت على نوادي عجبني مستر بودي بس ماله فرع في جدة وجولد جيم في فرعين وكل واحد ابعد من الثاني
وفيتنيس تايم يجبروك على 3 شهور هوا الى الان الاكثر اقناعا وحتى لو في فترة اقصر بس ايضا بعيد

اخي مرتزقة
لا ياشيخ مو علقة يمديك تستفسر من المدرب نفسه وهوا يدلك اتوقع زي شي تنام عليه ويحطو شي في رجولك ويدك وتبدا عملية الشد بالتمديد طبعا لازم يكون معاك واحد
هوا اللي يحرك العجلة حق التمديد ويرخيها اتمنى فهمت عليا ^^

ودخلت موضوع الموضوع حق التجارب واستفدت كثير بس للحين الاغلب فيتنيس تايم وبعض الاندية الاخرى مايكون فيها مسبح وانا يهمني بصراحة تواجد مسبح

وشكرا

[مرتزقه]

لا ياشيخ مو علقة يمديك تستفسر من المدرب نفسه وهوا يدلك اتوقع زي شي تنام عليه ويحطو شي في رجولك ويدك وتبدا عملية الشد بالتمديد طبعا لازم يكون معاك واحد
هوا اللي يحرك العجلة حق التمديد ويرخيها اتمنى فهمت عليا ^^

حلو بس بأي فرع شفت دا الجهاز ؟
وكمان فيتنس فيلو مسبح + و جاكوزي حار و بارد و سوانا + مدربين سباحا من أحسن ما يكون.
لو المواصلات عندك تمام انصحك فيه و بعنفف خخ موفق حبيبي ....

[cr77m]

انا ماشفت بس على حسب مو مكتوب في موقعهم مدري ايش قصدهم بتطويل بالزبط هههههههههه

انتا بأي فرع يمكن اجي معاك خخخخ

واي واحد عنده اضافة ياريت يفيدنا وخاصة فيتنيس لايف او لايف فيتنيس مادري ايش اسمه بالضبط هل هو موجود بجدة ووين ؟؟