طولي 177 و وزني 130 وابي اضعف !!!!!!!!!!!

[حشكلي]

السلام عليكم شبآب !!

مثل ما انتوآ شآيفين بالعنوآن انا عمري 19 سنه .. طولي 177 و وزني 130 !!

بصرآآآحه حآب اضعف واضبط جسمي تعبت من الكرش هههههههه !!

بشنو تنصحووني !؟

يآآآآريت تحطون لي جدول تمرين قآآآآسي جدآ علما اني هاليومين بشترك بنآدي وابي اكون ملم بكل الامور !!

ويآآآآريت احد ينحصني بجدوول تغذيه منآسب .. وشنو احسن فآت برنر ممكن احصله !؟

بصرآحه انا حاب اخسر وزني بسرعه لغآيه في نفسي .. يعني عندي شغله عقب شهرين تقريبا ولازم اخسر وزن كثر ما اقدر !!

ادري ان هالشي مو صحي لكني مجبور اخوآني !!

وبالنسبه انه اللي خسرته بسرعه بيرجع بسرعه ماظن لان اخوكم ف الله صارله فتره ياكل اكل صحي ومبتعد عن الفاست فود .. حتى الببسي تركه ههههههههه << كله فدوه للجسم الحلو والرياضي هههههه !!

يآريت الرد بسرعه اخوآآآني وجزآكم الله آلف خير !!

[حشكلي]

12 مشآهده .. 0 ردود !!!

شدعوه !؟

[.hamad.]

السلام عليكم ورحمة الله ...

إنشاء الله بتوصل لهدفك بأسرع وقت بس تحتاج صبر وإراده ..

أول شي بالنسبة للأكل أبدأ 4 وجبات تكون لو فات واعتمد على صدور الدجاج وبياض البيض والرز المسلوق والسلطات مع إضافة الخل الابيض على السلطه لحرق كلسترول الدم بكميات قليلة + الاكثار من شرب الماء قبل الوجبات واثناء اليوم وليس بعد الوجبات او اثناءها ...

بالنسبة للتمرين .. يوجد الان بأكثر صالات الرياضة جهاز الستيب وهو مشابه صعود السلم وللعلم بأن نصف ساعة تمرين على هذا الجهاز تعادل أكثر من ساعة على جهاز المشي العادي (( بالنسبة لحرق السعرات الحرارية )) ...

بالنسبة للمكملات إذا حاب وزنك ينزل بسرعة لاتاخذ بروتين أو اي شي ثاني بس تقدر تاخذ ليبو 6 او هيدروكسيكات بالاضافة للكرناتين وطريقة الاستخدام تلاقيها على المنتج ..
وحاول تشرب ماي كثير وخصوصاً قبل التمرين (لتر) وبعد التمرين ( لتر) عشان يساعدك في عملية الحرق ..

واتمنى لك التوفيق وانشاء الله توصل لهدفك واكون افتك بمعلومة ..

تحياتي

[منادة الليل]

هلا فيك اخوي

ما قصر الوحش حمد الله يحفظه

وصراحة وزنك تفجير وانا انصحك انك شهرين الى 3 شهور فقط فقط تهتم في انقاص الوزن وتقدر تاخذ الليبو6 يساعدك كثير على حرق الدهون

[القوة صاعقة]

السلام عليكم مرحبا اخوي , مشكلتك مو صعبة بسيطة , بالنسبة للشباب ماقصرو معك

لكن في حالة زيادة وزن بشكل كبير , لازم نحتاج مساعدة , راح اقولك ع علاج لحرق دهون راح يساعدك كثير

هده صورة دواء


هدا افضل حارق دهون و قاطع شهية , و ليس له اي اعراض جانبية ,

شروط دواء : ان يكون عمرك من 17 فما فوق .
ان لا تكون تعاني اي امراض في القلب او ارتفاع ضغط الدم.

طريقة العلاج : تأخد حبة واحدة صباحا ع ريق مع كوب ماء كبير يوميا . وبعدها تناول الافطار عادي.

يجب اثناء فترة العلاج الاكثار من تناول الفواكه و خضروات و بياض البيض و الاسماك

كثر منها قدر مستطاع , و ابتعاد عن تناول الدهون و حلويات و الطحين و الارز .

هدا منتج ينزل الوزن من 15 الي 20 كيلو جرام خلال شهر واحد .

اكثر شيء يستهدف منطقة البطن و الارداف و في نفس الوقت يعمل ع شد هده مناطق.

نصائح من تجربتي الخاصة :

كثر من شرب ماء اثناء فترة العلاج و تناول اكل صحي , لا تعمل نظام غدائي , تناول طعام صحي فقط.

ممارسة رياضة المشي كل يوم ساعة , و كارديو نصف ساعة .

استعمل اثناء فترة علاج مكمل غدائي يحتوي ع فيتامينات و معادن .

قياس ضغط دم كل نهاية اسبوع .

عند شعور بالدوار او سرعة نبض , تناول وجبة دسمة تتكون من الارز و لحم .

كثر من شرب عصائر طبيعية و سوائل .

ايضا من ممكن تبني عضل خلال فترة العلاج .

عند وصول جسمك الي 90 كيلو جرام توقف ع علاج و ابداء نظام عادي .

موفق اخي

[خالد قحطان]

يعطيكم العافيه شباب ماقصرتو مع الرجال

[حشكلي]

اي والله يعطيكم الف عافيه وماقصرتوآ !!

وادري انه وزني تفجير هههههههه !!

بس شنقول مانقول غير الحمد لله على كل حال وانشآله بيصير معضل ف يوم من الايام نفس ابطال هالمنتدى !!

وشآكر لكم على نصايحكم وانشاله بطبقهآ !!

بس بالنسبه للاخ ~ القوه الصاعقه ~ وين اقدر احصل هالدواء وجم سعره وهل اسمه ~ قآطع شهيه ~ او شنو الاسم لو تكرمت !!

[حشكلي]

وفي استفسار يدوور في بالي !!

اللحين لو اللعب حديد .. هالشي مآيسآآعد في عمليه انقاص الوزن !؟

يعني لو مع المشي والرجيم والفات برنر .. رفع الاثقال والحديد مايساعد على الحرق !؟

[منادة الليل]

هلا اخوي

راح يساعد ولكن راح تاخذ لك فترة طويلة جداً جداً جداً يعني توقعها تطول كثير

علشان جذي خذ بالنصيحة وحاول انك تنزل وزنك على الاقل الى 85 كيلو وبعدها العب حديد

بالتوفيق يالحبيب

[حشكلي]

مآقصرت اخوي ع الاجآبه !!

[القوة صاعقة]

اي والله يعطيكم الف عافيه وماقصرتوآ !!

وادري انه وزني تفجير هههههههه !!

بس شنقول مانقول غير الحمد لله على كل حال وانشآله بيصير معضل ف يوم من الايام نفس ابطال هالمنتدى !!

وشآكر لكم على نصايحكم وانشاله بطبقهآ !!

بس بالنسبه للاخ ~ القوه الصاعقه ~ وين اقدر احصل هالدواء وجم سعره وهل اسمه ~ قآطع شهيه ~ او شنو الاسم لو تكرمت !!

موجود في صيدليات او اي وكيل معتمد لمنتجات زين الأثاث , سعره عندنا 65 دينار مو غالي رخيص . قاطع الشهية الخشبي ,

لكن قبل الاستعمال لازم تتأكد من صحة القلب و ضغط الدم , و خلال فترة العلاج لازم تأكل طعام صحي , علشان دواء قوي , و كثر من شرب ماء , بالتوفيق اخي