ينفع ابدأ فى تمارين التنشيف عالطول من غير ما اعمل اى تمارين تضخيم ؟

[:: مصطفى ::]

السلام عليكم

انا مبسوط انى اشتركت معاكم فى المنتدى الرائع ده و يارب مزيد من التقدم للمنتدى

دلوقتى انا بفكر العب كمال اجسام

انا قريت انواع الاجسام فى موضوع هنا فى المنتدى و لقيت انى عاوز الجسم الفرنسى مش الضخامة


انا طولى حوالى 171 سم ووزنى 65 كيلو

انا مش عاوز يبقى العضلات ضخمة اوى كده انا عاوزها متقسمة بس و انا قريت ان الجسم ده اسمة الجسم الفرنسى فى موضوع هنا فى المنتدى


و قريت كمان انه فى فرق بين التضخيم و التنشيف و فهمت ان التضخيم ده ان الواحد يبقى تخين كده من كتر الاكل و فهمت ان التنشيف تبقى العضلات متقسمة كده و شكلها ظريف

انا مش عاوز حكاية التضخيم انا بس عاوز العضلات تبقى متقسمة زى الجسم الفرنسى

هل ده معناه انى ينفع ابدأ فى تمارين التنشيف عالطول من غير ما اعمل اى تمارين تضخيم ؟

[منادة الليل]

هلا عزيزي

سواء في حالة دخلت تضخيم او تنشيف لابد انك تعتمد على التغذية بشكل اساسي في هذه اللعبة
ولكن تفرق التغذية في حال التضخيم الى حال التنشيف او التقسيم الي انت تحدث عنه

مثلاً في فترات التضخيم بالاكثر نعتمد على التغذية الي فيها الكارب العالي والسعرات الحرارية .....

وفي فترة التنشيف نعتمد على التغذية الي يكون فيها بروتين ونسبة بسيطة من الكارب والسعرات ...

واذا تبي مجرد تقسم جسمك شوف في جداول لمثل ما طلبت عزيزي
ولكن مثل ما اقول لك التذغية مالها غنى سواء تضخيم او تقسيم من وين تجي العضل ؟ التغذية


بالتوفيق عزيزي

[legend 0f dark]

أهلا كابتن و حياك الله في المنتدى !!

بما انك سمعت عن التنشيف و التضخيم ...

أكيد سمعت عن التقسيم ؟؟

وزنك أبداً ما ينفع تنشيف و التنشيف و انت وزنك ماشالله كويس
و التنشيف ما يبني عضل !!!
مجرد يحرق الدهون و انت ماشالله اذا حرقت الدهون ايش يبقى D:

أنصحك تخش كورس تقسيم بتكرارات تقريباً 10 - 10 - 10

و ده بيجمع بين التضخيم و التنشيف يعني هتبني عضلات و هيشد الجسم

و قول بسم الله و ابدأ انشالله و أي استفسار حنا حاظرين !!


بالتوفيق

[:: مصطفى ::]

شكرا ليكم كتير على سرعة الاستجابة و ما شاء الله الاستجابة فورية بارك الله فيكم

انا جبت صورة للجسم اللى انا عاوز اعمله ان شاء الله من الموضوع ده هنا فى المنتدى للمراقب ابو راشد

بعنوان : ]||[ مصطلحــات كمــآل الآجســـآم وتعريفهــآ وشرحهــــآ ]|||[

جسم تقسيم (فرنسي)

يتميز بعضلات مفتولة لكن ليست الكل انما فقط للصدر و الـ6 بآك والباي بشكل خفيف وباقي العضلات تكون خفيفة جدا ومستقيمة وليست مفتولة

و هى دى الصورة اللى كانت فى الموضع بتاع المراقب ابو راشد



طيب هل النظام 10 10 10 10 هاعمله على كل عضله فى الجسم

وهل هيبقى فى حديد و لا الحركة للعضلة هتخليها تبان ؟

هل الاحسن ان الواحد يتحرك بحديد وزنه مثلا 2 كيلو 1000 مرة و لا اخلى الحديد وزنه كبير و اقلل عدد الحركات

انا فى تمرين بعمله وهو الوقوف مع تنى الجذع ناحية اليمين و الرجوع لوضع الوقوف تانى تم تنى الجذع لليمين مرة تانية و هكذا

و عندى العضلات بتاع الضلوع باينة اللى هيا العضلات اللى فى الجنب دى انا لقيت اسمها منشار هنا فى المنتدى / / /

و كمان العضلتين اللى هما تحت البطن عالطول فى الجنبين اللى هما عاملين شكل سبعه فوق الحزام عالطول فى الصورة اللى فاتت / \

[legend 0f dark]

طيب هل النظام 10 10 10 10 هاعمله على كل عضله فى الجسم
هو صعب نعمم يعني لكل تمرين تكرار بس تقريباً عام لكل التمارين ...

وهل هيبقى فى حديد و لا الحركة للعضلة هتخليها تبان ؟
ما فهمت

هل الاحسن ان الواحد يتحرك بحديد وزنه مثلا 2 كيلو 1000 مرة و لا اخلى الحديد وزنه كبير و اقلل عدد الحركات
لا حبيبي لازم توازن بين التكرارات و الاوزان
يعني كل ما زدت الوزن و التكرار قل يكون التأثيير على العضلة
و كل ما زاد التكرار و قل الوزن يكون التأثير على حرق الدهون
الي يبي يبني عضل بدون حرق ممكن يلعب 6 - 4 تكرارات باوزان ثقيلة
الي يبي يبني و يحرق 10 تكرارات مثل ما قلت لك
الي يبي يحرق بدون لا يبني ( ممكن يحرق العضل كمان ) يعلب 20 - 15 تكرار

انا فى تمرين بعمله وهو الوقوف مع تنى الجذع ناحية اليمين و الرجوع لوضع الوقوف تانى تم تنى الجذع لليمين مرة تانية و هكذا
تمرين خواصر

و عندى العضلات بتاع الضلوع باينة اللى هيا العضلات اللى فى الجنب دى انا لقيت اسمها منشار هنا فى المنتدى / / /
ماشي

و كمان العضلتين اللى هما تحت البطن عالطول فى الجنبين اللى هما عاملين شكل سبعه فوق الحزام عالطول فى الصورة اللى فاتت / \
خواصر

المهم انت اشترك في نادي و خش كمال اجسام و راح تلعب تمارين شاملة و انشالله راح نساعدك !

بالتوفيق

[:: مصطفى ::]

اوكى انا فهمت من كلامك ان عشان العضلة تبان لازم يكون الاوزان تقيلة

بس انا مش عاوز العضلة تبقى ضحمة زى صور الناس اللى فى التضخيم انا عاوز العضلة تبقى باينة مش منتفخة

وهل ينفع تمارين البيت للحكاية دى و لا لازم جيم

و ايه هو الوزن اللى بعده العضلة هتخش فى مرحلة التضخم لانى عاوها تبقى شكلها منسق بس عشان اعرف اخرى فى الاوزان

و شكرا كتير على المساعدة اللى بتقدمها لغيرك و ربنا يوفق الجميع


إضافة للمشاركة
انا قريت فى موضوع ليك عن ال BMI
و ده اقتباس من كلامك

عضلات مقسمة ( جسم فرنسي )

BMI
20 فأقل
تضخيم ثم تقسيم



BMI
20 - 25
تقسيم


BMI
25 فأكثر
تنشيف ثم تقسيم

اوكى انا باللون الازرق يعنى انا دلوقتى مش محتاج تضخيم و لا تنشيف انا محتاج تقسيم

هل ينفع تتعمل فى البيت بتمارين فى البيت و لا لازم جيم وهل نظام الاكل و التدريب فى التقسيم مختلف عن التنشيف و التضخيم

[:: مصطفى ::]

ممكن سؤال كمان اضافة للمشاركة اصلى جيت اضيفه مش لقيت زرار التعديل عشان كده كتبت مشاركة جديدة


دلوقتى انا شفت حاجات اسمها جلساتSets و تكرار Reps نفرض مثلا ده تمرين يوم من الايام

التمرين الاول 3 جلسات و مرات التكرار 20
التمرين التانى الجلسات 3 و مرات التكرار 15 - 20
التمرين التالت الجلسات 3 و التكار اقصى مده ممكنة

انا هاقولك انا فهمت ايه وتقولى هو انا فهمت صح كده
التمرين الاول هاعملة 20 مرة و بعدين اريح العضلة دقيقة و بعدين اعمل التمرين 20 مرة كمان و بعدين اريح العضلة دقيقة و بعدين اعمل التمرين 20 مرة كمان "و بكده يكون التمرين الاول خلص"

لتمرين التانى هاعمله ازاى و هو 3 جلسات و عدد مرات التكرار اتنين بس 15 و 20 ؟ يعنى هاعمل يعنى اول جلسة 15 عده و اريح العضلة دقيقة و اعمل الجلسة التانية 20 عده >>>> طيب و الجلسة التالتة هتبقى نظامها ايه هل هتكون 15 و لا 20 ؟

التمرين التالت انا فهمته هافضل مثلا عامل تمرين عضلة لاقصى وقت ممكن و بعدين اريح دقيقة و بعديت اعمل اقصى وقت ممكن و بعدين اريح دقيقة تانى و بعدين اقصى وقت ممكن " و بكده التمرين التالت خلص"

و عاوز اعرف هل اللى انا قلته صح بالنسبة لفهمى لطريقة التدريب دى و سؤال تانى مش ده كده معناه ان كل التمارين هتخلص بالكتير فى تلت ساعه و هى كده تلت ساعة فى اليوم هتخلى العضلة تنمو ؟

[legend 0f dark]

أنا عارف كويس انت ايه الي عاوزه !!

مسألة المنزل دي صعبه شوية لانها هتحتاج معدات
و تحتاج دقة في التمارين

أما الجيم هيوفر لك المعدات كاملة و غير كدا في عندك مدرب ممكن تسأله اذا بتتمرن غلط او كده

أما مسألة إنه اول تمرين
بتلعب فيه 3 جولات
و كل جولة 20 تكرار

ده تكرار تنشيف و مش هيبني عضل أبداً يعني مش هينفع الكلام ده
ده الكلام للنسوان الي مش عوزه عضل فقط حرق دهون

______________________________________

أما
تكرارات التقسيم : 10 - 10 - 10
أو حتى : 12 - 10 - 8

دي الي هتشد لك الجسم و هيبقى كويس و زي الي عاوزه

___________________________________



أما التضخيم الي تكراراتها زي كده : 8 - 6 - 4
او : 10 - 8 - 6

وانت مش هتلعب في اليوم ثلاث تمارين و تمشي !!
لا ! انت في اليوم على الاقل بتلعب 9 تمارين

و كل تمرين تقريبا 3 جولات و بين كل جولة و جولة راحة من 30 ثانية إلى دقيقة

و ده غير الاكل و النظام الغذائي
و اذا حابب تاخذ مكملات غذائية بعد فترة ده شي كويس

فمن الأفضل انك تسجل في جيم و هنديك كل الاستفسارات و المعلومات الي عاوزها !!
و هتحصل على الجسم الي عاوزه بس الاهم انك تلتزم بالمعلومات الي هنديك ياها