ياريت المساعده من الكابتن لتنظيم كورس

[nasser92]

بسم الله الرحمن الرحيم

انا متابع قديم للمنتدى وثقتي فيه هي اللي خلتني اكتب موضوعي هنا
انا مش قديم كثير باللعبه بس صارلي 2 سنه وانا اتمرن في الصاله بشكل متواصل

انا من ابوظبي .. وعمري 25 سنه .. ومتزوج وعندي ولد وبنت
الطول : 185 سنتيمتر
الوزن : 100 كيلو

طبعا انا في فترة ضخامه وكنت اخذ مكمل الترو ماس بس وقفت عنه

الحين اريد ادخل كورس وبسؤالي لأحد الكباتن اللي عندنا وهو صديق لي نصحني :
الشهر الأول : اوكيبويس .. ستانزول الأخضر .. 30 حبه درابولين ..حبوب oxymetholone معدل حبه يوميا
الشهر هذا متوقع يزيد وزني مابين 7 الى 10 كيلو

الشهر الثاني : جروث دنماركي اقلام صفراء .. وينسترول .. سيسبنشن ..

المكملات اللي اخذها كلها من شركة مسل تك :
بروتين ايزولات 65 جرام بروتين 0 فات
الفا امينو الحبوب البرتقاليه 6 حبات قبل التمرين
نانو فابور معد 2 او ثلاث حبات قبل التمرين
سيل تيك ( الحبوب ) بعد التمرين 5 حبات
وطبعا راح ادخل بروتيين الكازيين اول ما ابدأ الكورس

يا شباب المطلوب من هذا الكورس ان جسمي في نهاية الشهر الثاني يصير مقارب لأجسام البطولات ولو بنسبة 70%
فـ شو رايكم في الكورس هل هو مضبوط او لا وياريت تنصحوني بأي شي تشوفونه غلط في كورسي او مكملاتي

ملاحظه : انا اخر كورس اخذته كان قبل رمضان الماضي اي قبل 8 شهور .. وكان الكورس عباره عن : جروث صيني ... بريمو بولان .. درابولين .. بروبيونت تيستسترون .. سايبونت ..

وقبل 3 شهور فحصت عند دكتور على هرمونات الجسم والكبد والكلى وحصلت كل شي سليم وكان الفحص بتايلند

فياريت تفيدوني ..

[nasser92]

يا شباب انا استنى ردودكم ياريت تفيدوني ..؟

[scaryface]

كم نسبة الدهن عندك ؟؟

[.hamad.]

كم نسبة الدهون عندك ؟؟؟

وبالنسبة لطلبك عن جسم مشابه لجسم البطولات هذا صعب جداً جداً لان الاكل يختلف تماماً عن الانظمة الغذائية الأخرى وحتى المواد اللي تاخذها تختلف عن المواد اللي انت حاطها ..

انا اقدر اجهزك لبطوله بس ابي نسبة الدهون ونوع نظامك الغذائي وبعض الصور لك بوضعيات عرض مختلفة ..

[nasser92]

مشكورين اخوان على الاهتمام ..

وزن الدهون : 27 كيلو
عضل صافي : 65.5

اخوي انا ماريد ادخل لبطوله بس اريد نهاية الكورس جسمي
يكون مقسم مثل اصحاب البطولات ..

انا اكل مابين 4 الى 5 وجبات في اليوم وطبعا انا في فترة ضخامه فآكل اللي اباه واخبص
واشرب البروتين مرتين مره قبل التمرين بساعه وبعده بساعه

[nasser92]

وينكم مارديتوا علي ...؟
اذا فيه شي ناقص ياريت تخبروني

[.hamad.]

مشكورين اخوان على الاهتمام ..

وزن الدهون : 27 كيلو << ابي النسبة المئوية % لازم تقيسها بجهاز قياس نسبة الدهون ..
عضل صافي : 65.5

اخوي انا ماريد ادخل لبطوله بس اريد نهاية الكورس جسمي
يكون مقسم مثل اصحاب البطولات .. هذا يعتمد على اساسك العضلي الحالي ونسبة الدهون تحدد كل شيء ..

انا اكل مابين 4 الى 5 وجبات في اليوم وطبعا انا في فترة ضخامه فآكل اللي اباه واخبص حتى لو كنت بفترة ضخامة التخبص ماله خص في الضخامة ولاعب كمال الاجسام لازم يكون اكله نظيف حتى بفترة الضخامة ..
واشرب البروتين مرتين مره قبل التمرين بساعه وبعده بساعه تمام بس وجباتك الباقية اهم اخوي من المكملات

.....................

[nasser92]

مرحبا اخوي ..

اسف لأني مارديت بسرعه .. نسبة الدهون تقريبا 26%
وعلى فكره ابي اقولك معلومه .. انا قبل 5 شهور كان نسبة العضل في جسمي عاليه ما يقارب الـ 70 كيلو
والحين شيكت على العضل ونزل 5 كيلو شو السبب .. مع اني مواضب على نفس التمرين بس اغير في البروتينات مابين فتره وفتره



ياريت والله تساعدني وتخبرني شو افضل انواع البروتينات والامينو والكرياتين اللي ممكن ادخله في الكورس حقي
وكيف ترتيب الأكل :

الفطور : 6 بيضات بياض بيض + كورن فليكس
بعدها بساعتين : وجبه سريعه ( برجر من ماكدونالدز او هارديز او الكافتريا )
الغداء : رز ودجاج ( صدر دجاج كامل من دون الفخذ ) او مكرونه او صينية دجاج وبطاط في الفرن
وقت شراب البروتين قبل 45 دقيقه من التمرين مع الأمينو والنانو
( وقت التمرين ساعه ونصف تقريبا )
أشرب الـ سيل تيك الحبوب وطبعا ما اشرب بروتين لأنه يسد نفسي ومايخليني اكل وجبه بعد التمرين
طبعا ارجع البيت ومعاي وجبة مشاوي مشكل ( تكه وكباب ) وبعدها اشرب بروتين
اخر وجبه تكون العشاء وأنوع فيها مره مشاوي ومره سندويتش شوارما ومره برجر على حسب


فـ ياريت تعطيني جدول غذائي وجدول بروتينات لأني ناوي ابدأ من يوم السبت
بأنتضارك اخوي واسف على الأطاله

[nasser92]

مرحبا اخوي حمد ...

لازلت انتضر ردك ... واسمحلي لو ثقلت عليك
بس حاب استفيد من خبرتك

[nasser92]

يا شباب حد يرد علي ...؟؟

[.hamad.]

هلا فيك اخوي

وش هو سؤالك ؟؟

[nasser92]

مرحبا اخوي حمد ..


اباك ترتيبلي مكملاتي كامله بروتين و امينو و كرياتين ..؟
اذا عندك برنامج غذائي لكورس الشهر الاول .. لأني مش عارف امسك دايت ولا ازيد الوزن ..؟
شو الافضل لي اخذ حوارق دهون الشهر الاول ولا اخليها لكورس الشهر الثاني ..؟

انا كنت افكر ان الشهر الاول بخليه ضخامه والشهر الثاني دايت وتنشيف
بس اعتقد ان نسبة الدهون عاليه .. فشو رايك ..؟

[.hamad.]

هلا فيك اخوي

نسبة الدهون مرتفعة جداً ولاتصلح لضخامة ووزنك جيد ولايحتاج لضخامة وايضاً الهرمون لايصلح لك على الاطلاق ولا حتى الكرياتين ..

اخوي حالياً لاتفكر في مكملات وهرمون فكر كيف تنزل نسبة الدهون الى 19% على الاقل ..

بالنسبة للتمرين خله يومين تمرين ويوم راحة والعب كارديو يومياً 20 دقيقة قبل التمرين وحتى بأيام الراحة حاول تمشي لو 40 دقيقة ..

وبالنسبة للتخبص هذا هو اكبر مصيبة لان التخبص يرفع نسبة الدهون في الجسم ويطلع زوايد وشحوم ولا يزيد الوزن على الاطلاق ..

امتنع عن الدهون والحلويات والمكسرات والبيبسي وحتى زيت الزيتون ..

وانا سأرتب لك جدول لاحقاً ان شاء الله ..

بالنسبة للمكملات فأرجو ان تسمع نصيحتي بعدم استخدام اي مكمل الا بروتين وامينو فقط ولاتضيف منتج باور ولا مالتي ولا اي شيء من عندك ..

البروتين يكون ايزو بروتين او اليت واي والامينو يكون 2222 الكبسولات ..