امينواسيد ولا بروتين

[abu hajjar]

السلام عليكم و رحمة الله و بركاته

انا سجلت في المنتدى عشان في ناس خبيره في دي الاشياء



انا عمري 16 ونص و العب حديد
حبيت اسأل استخدم امينواسيد 3000 ولا البروتين البودرة

اتمنى انكم تجاوبوني

انا طولي فوق 180 في ناس قالولي بدري على الحديد بس انا مصر اني العب ارجو منكم انكم تساعدوني

[hamshik]

السلام عليكم اخوي
والله من رأي انه بدري على الحديد وبدري بتعاطي المكملات هذي لانها ينصح بها فوق ال18 لانها راح تحصل على اضرار ومضاعفات لا سمح الله وراح تبين مع كبر السن
نصيحتي (عليك بتمارين الضغط بالبيت والتمارين السويديه والتغذيه اهم شي تراها اطلق من المكملات بالنسبه لعمرك الان في طور النمو ويستقبل بسرعه

[THE CAST]

وعليكم السلام ورحمة الله وبركاته



مناسب تقدر تلعب بدون مشاكل .

وانا اشوف انك الان لاتاخذ اي مكمل بل ركز على اكلك افضلك لان ترا المكمل البروتيني ماهو الا لتكميل اكلك اليومي لا اكثر ولاهو سحر

عندك طريق طويل اذا الله احيانا



بالتوفيق

[abu hajjar]

مشكور على كل اللي ردو بس انا كلمت الكابتن اللي في النادي قلي مافيها شي و اعرف دكتور تغذية يفول البودرة حقت البروتين عادي اي واحد ياخذها

[abu kinan]

بس يااخي بلاش كلمت مدرب النادي وقال ما عندك مشكلة
شوف روح كلم المدرب وقول انا ابي اخذ محفز هرمون مثل انيمال ام ستاك وشوف وش بيقولك ؟؟؟؟ أكيد بيقولك خذ عادي
بعدين الأخ ذا كاست قال انه يفضل عدم اخذ مكمل وماقال لا لاتاخذ ابدا وانا بصراحه معه رأيه بأنك تعتمد على التغذية انا عارف انه هي نفسيه الواحد يحس انه لازمه بروتين بودرة ولكن ترا البروتين ماههو سحر ولا تتوقع بيجيك نتائج سريعه وانا اشوف البروتين الطبيعي من الأكل افضل بكثير

[بردان1]

اي اخي هي عادي فعلا

بس انت ماتحتاجها بهالعمر جسمك يستفيد من الطعام الي انت تاكله بسهوله واسرع
فا وشوله تحط فلوسك على لاشي يعني لاتخيل ان جسمك راح يقفز بالبروتين المكمل وبدونه ماراح يتغير

على العكس تماما هو وجبة غذائية وجسمك يحتاج لعدد معين من القرامات بالبروتين بعد ماتعطي جسمك الي يحتاجه ياخذه الجسم يمتصه والي مايحتاجه راح يطلع يعني مثلا جسمك يحتاج لـ 100 قرام بروتين يوميا وانت اخذت 200 قرام او 101قرام راح يعطيك نفس النتائج

فا اهتم الحين بتغذيتك اصح لك واحفظ لفلوسك وانت حر والقرار لك