عندي مشكله في انقاص الوزن والوصول الى الوزن المثالي مع طول فترتي على الرياضه والدايت
اهلين يا أحلى قروب
ممكن طلب حبايب قلبي .
انا ليه في الرياضه فتره طويله لكن بديت اشتغل على نفسي صح قبل سنتين كان وزني ايامها 130 ك وطولي 173 اشتغلت دايت وتخسيس الين وصل 95 وكان الحمدالله جسمي للي يشوفه يقول انه وزني 85 لان الحمدالله من فوق ماعندي بروز كثير في البطن لكن مشكلتي في الافخاذ والارداف هيه الي اخذه اغلب الوزن .
طبعن قطعت النادي فتره يمكن حوالي شهرين او ثلاثه بالكثيرورجعت انا الان وزني 103ك وعمري 30 ماشي على دايت فاكهه وخضار مطبوخه ودجاج في الفرن وفي الليل فاكهه (سبت -اثنين -اربعاء -جمعه) وكورن فليكس براون مع حليب منزوع الدسم وارز ابيض مسلوق مع ايدام وشوربة شوفان مع حليب منزوع الدسم (احد- الثلاثاء-الخميس)
اروح النادي سبت احد الثلاثاء الاربعاء الخميس يومين راحه الاثنين والجمعه
ابدى على الاجهزه سير هروله 20 د بعدها اما اوربت تراك او دراجه 20 د بعدها تمارين سويديه بدون حديد ابدا
وسالت احد المدربين قالي لا ابدا على السير 10 د بعدها العب تمارين شامله في صالة الحديد اوزان خفيفه 4 جلسات نكرار 12 العب فيها كل شئ وبعدها ارجع على السير ارفع الارتفاع حقه مع مشي سريع شوي 20 د وبعدها على الدراجه 20 د وبعدها يوم تمارين للبطن ويوم تمارين للافخاذ والاردراف طبعن تمارين سويديه هذا النظام بديت عليه ذا الاسبوع .
المشكله انه وزني متعبني ودي انزل بسرعه لكن احس جسمي تعود على الرجيم والتمارين ومايستجيب بسهوله في النزول
قريت لبعض الكباتن الله يعطيهم العافيه عن استخدام حوارق الدهون وصراحه ادو شرح كافي عنها وخاصه موضوع للكبتن (تيتو جده) الله يمسي عليه بالخير عن الليبو 6 وكونت فكره طيبه عنها وعن بعض الاشياء الثانيه
الان الي ابغاه واطلبه منكم حبايب قلبي تدوني توجيهاتكم ونصايحكم الغاليه عشاني ناوي انزل وزني وابدى حديد وتنشيف وتفصيل لجسمي مع العلم انه ليه فتره طويلللله وجسمي يراوح بين 95 الى 103 مره يطلع ومره ينزل ابعى اكسر ذا الوزن واوصل للوزن المثالي (ماني طماع كثير ودي يوصل الى 85 او 80 )
يعني من الاخر ابغى اسوى شيء
تكفون تكفون تكفون .
محبكم ماجد .
المشاركة الأصلية كتبت بواسطة ماجد402
