استشارة في الاختيار بين الكازين والسرياس ماس

[سعدالرياض]

السلام عليكم ورحمة الله وبركاته
استشارة بسيطة ياوحوش
انا تقريبا لي فتره اخذ واي بروتين وبروكومبلكس العادي
في الصباح سكوب برو
وبعد التمرين سكوب واي
وقبل النوم برو
والان قرب يخلص البروكومبلكس
فما أدري وش الافضل ارجع للكومبلكس والا اغيره بالكازين والا السرياس ماس ؟ وانا ابغى الشيء الي اكثر منفعه وزيادة عضل.

[Rashid.S]

في اختلاف بين كل الانواع

البرو كومبليكيس على ما اعتقد انه مكون من بروتين سريع وهو الاغلب وبروتين متوسط وشوي بروتين بطيئ
اما السيريس ماس حق ضخامه للناس الناشفه مره ،،
الكازين ،، بروتين بطيئ تاخذه وقت النوم بس ،،

ولو تفيدنا
بطولك
وزنك
عمرك
نسبة الدهون

وان شاء الله تعم الفائده

[alkatal]

مثل ما تفضل اخوي العزيزي وشرح الك شرح وافي عن الانواع الي طلبت الاستفسار عنها

ويختلف من شخص لى آخر

ويختلف على حسب هدفك ضخامه .عضل صافي

الكازين ذا مختلف عن البقيه لانه بروتين بطيئ وذا يستخدم في وقت النوم او اذا كنت رايح على دوام والمسافه بعيده تقدر تاخذه حتى يغذي الجسم او وقت السفر مثلا

البرو كمبلكس ممتاز وهم السرياس ماس بس مثل ماقلت الك يعتمد على الهدف الاساسي من الاستخدام وبالتوفيق الك

[oO LoOodDy Oo]

ما قصروا الأخوان

بس فيه حاجة بسيطة البروكومبلكس قصدك العايدي ولا الجينر الأول عمله مثل الواي والثالث عمله مثل السرياس ماس

تحياتي لك لووودي

[alkatal]

اذا كان هدفك ضخامه مع دهون فالجنر افضل واذا كان صافي فالعادي افضل

[سعدالرياض]

انا طولي 172 ووزني 68.5
بس مدري كم نسبه الدهون لاني ماتحمست اقيس لاني نحيف مااتوقع نسبه الدهون العالية
بالنسبه للكومبلكس الي اخذ الحين العادي مو قينر

وفعلا انا دوامي طويل شوي فوق السبع الساعات والوجبات فتره الدوام خفيفة وانا هدفي الضخامه بوقت معدل يعني ماراح استعجل مره ،بحدود المعقول (في حدود المكملات فقط) أما اشياء فيها خطورة مثل الهرمونات والمحفزات لا
*رايكم ياكباتن يصلح اغير إلى :
سكوب كازين الصباح + سكوب واي بعد التمرين +سكوب كازين عند النوم
والا افضل لي سيرياس ماس ؟؟
احترت والله ؟؟؟؟؟؟؟؟اسعفوني بخبرتكم

اذا كان فيه شيء افضل من الخيرات الى انا كاتبها افيدوني ترا خبرتي جداً محدودة

[oO LoOodDy Oo]

والله نسبة الدهون مهمة لكن إذا كنت تبغى ضخامة فالسيرياس ماس أفضل من الواي وأنا أفضل البروكومبلكس الجينر على السيرياس

وبالنسبة لرأيي خذ سكوب في الصباح من السيرياس أو البرو كومبلكس برو وعلشان بعدها بكم ساعة تاخذ لك وجبة خفيفة زي ما قلت وأكيد أفضل من إنك تكون طول الوقت على الكازيين .. هذا إذا كان ما فيه وجبات صح أقولك خذ الكازيين
وسكوب بعد التمرين للسيرياس وسكوب كازيين عند النوم

وإذا كنت تبغى ضخامة ما ذكرت أنت الأمينو غريبة
لأنه مهم في الضخامة

وإذا كنت تبغاه فيه أنواع ممتازة مثل أمينو 2222 وأمينو 4800 وأمينو 3000

هذا من رأيي
تحياتي لوودي

[Rashid.S]

يفضل تلتزم بالبروتين العادي وقت الدوام وتضيف معه ٢٠٠ مل حليب قليل الدسم والباقي ماء ،،
وهذا راح يكفيك خمس ساعات قدام ،، يفضل تجنب الكازين خلال اليوم ،،

[سعدالرياض]

والله سمعت اكثر من واحد يقول الامينو يدمر الكلى علشان كذا والله ودي اتجنبه
من جد زدت حيره مدري وش اخذ سرياس ماس والا كازين والا اكمل على وضعي
شاكر تعاونكم

[oO LoOodDy Oo]

والله سمعت اكثر من واحد يقول الامينو يدمر الكلى علشان كذا والله ودي اتجنبه
من جد زدت حيره مدري وش اخذ سرياس ماس والا كازين والا اكمل على وضعي
شاكر تعاونكم

أول مرة أسمع في حياتي إن الأمينو يدمر الكلى ... ولله الحمد أنا أستخدمته كم مرة وماشاء الله تبارك الله مافيه أي أثار جانبية

يمكن أنت قصدك الكرياتين .. هذا يقولون إذا زدت الجرعات وطولت مدة الإستخدام وقللت شرب المويه يمكن يجيك الكلى لاقدر الله

بالنسبة وش المكمل الي تاخذه حنا نصحناك من ناحية الكازيين وعلمناك وخلصنا منه بأنك تاخذه عند النوم فقط
وبالنسبة للمكمل الي تبيه
أنت نعيد ونكرر تبغى ضخامة خذ لك السرياس ماس أو بروكومبلكس جينر مهوب العايدي

تبغى عضل صافي وزيادة وزن خفيفة (على حسب نوعية جسمك) خذلك الواي أو البروكملكس العايدي

والسلام خير ختام

تحياتي لوودي

[سعدالرياض]

المعذرة يااخوان
وكل هذا لان خبرتي بسيطة جدا في عالم كمال الاجسام
ولكم جزيل الشكر

[oO LoOodDy Oo]

المعذرة يااخوان
وكل هذا لان خبرتي بسيطة جدا في عالم كمال الاجسام
ولكم جزيل الشكر

ياهلا ومرحبا
وش دعوة ما حط هذا القسم الا للي مثلك خبرته بسيطة وحياك الله

تحياتي لك لوودي