نقص الطاقه أثناء التمرين !

[Maximuscle]

السلام عليكم كباتن ,
بعد قطع الغينر من جدولي بسبب زيادة الدهون وبدء استخدام الواي بروتين أصبح هناك نقص في الطاقه أثناء التمرين حتى الأداء والتركيز قل .. وهذا كله بسبب نقصان طاقة الجسم ( الكارب ) الي كان يوفرها الغينر بشكل ممتاز .
*> أنا كنت في مرحلة ضخامه, لكن كما قلت نسبة الفات زادت وأبي أنزلها لنسبة معقوله بعدها راح أغير الواي بروتين .

فكرت بإضافة سكوبين شوفان ( 30جم كارب تقريباً) مع سكوب سكر أبيض ناعم ( 24 جم كارب ) + جرعة البروتين ( سكوبين واي بروتين 10 جم كارب ) + ماء > قبل التمرين ,
وطبعاً بعد التمرين فقط جرعات البروتين بدون الإضافات ,
هل السكر الأبيض في هذي الحاله راح يخزن فات ؟ .. لأني صراحه ناوي أنزل نسبة الفات من جسمي لتكون بإذن الله في حدود 18-19 % .

+ " كم جرام كارب المفترض أوفره قبل التمرين لإمداد الجسم بالطاقه الكافيه للتمرين ؟ "

ياليت أرائكم ياكباتن .

[Rashid.S]

سبب فقدان الطاقه يكون من قلت الكارب او من الطاقه الكاذبه اي السكريات قبل التمرين ،،
يعني في نص التمرين خلص السكر ،، وخلص الكارب ،،

فترة قبل التمرين من فطور وغذا ركز على الغذاء المتكامل من كارب وبروتين وفات
وعلى الاقل كل لك ثلاث وجبات قبل التمرين ،،
قبل التمرين بساعتين الي ساعه ونص او ساعه طبعا يعتمد على نسبة حرقك للدهون عاليه ام بطيئه ،،
خذلك وجبه غنيه بالكارب والكومبلكس بالذات مثلا رز اسمر مع صدر دجاج وشوفلك مصد دهني صحي مثل تضيف الزيت الزيتون في الطبخ
وبازلا او بروكلي عشان الالياف ،،

وانت رايح على التمرين خذلك برتقاله او تفاحه ،،

وان شاء الله وضعك يكون بالسليم ،،
ولا تنسى ترى النفسيه تلعب دور ،،

[oO LoOodDy Oo]

هل السكر الأبيض في هذي الحاله راح يخزن فات ؟ .. لأني صراحه ناوي أنزل نسبة الفات من جسمي لتكون بإذن الله في حدود 18-19 % .

.

ماقصر حبيبنا راشد لكن عندي مداخلة بسيطة
بالنسبة لي أنا ما لقيت مثل سكر الجلوكوز قبل التمرين ملعقتين صغيرة خطيييييير وحتى جربته يوم إيه ويوم لا قلت أبجرب هل هو منه ولا

وفعلا خطير

لكن بالنسبة للتخزين.. هو الظاهر يخزن إذا خت جرعه زايدة
وأنا سمعته من مراقبنا the cast

فيه شي ثاني أنا مستغرب ما تكلمت عنه الي هو منتجات البومب ... تراها قويه ورهيب أدائها مثل السوبر شارج والهيمو والنو إكسبلود
وخاصة الهيمو ريج مافي أحد ما يمدح خصوصا إنه كم واحد مجربه يقول إنه يحرق .. فأتوقع مناسب لك


تحياتي لك
لووودي

[الوحش بوعابد]

عليكم السلام
اخوي انصحك قبل التمرين بساعه خذ شوفان
واثناء التمرين مطاره فيها عصير تنق او فيمتو ...بين تمرين وتمر ين خذ جغمه
والله صارلي اسبوع الحين على هالنظام ..ما احس اني اتعب ولله الحمد ارتفعت اوزاني

وتحياتي للجميع

[abu kinan]

الشوفان ثم الشوفان ثم الشوفان قبل التمرين بساعتين الى ساعه ونص وما يمنع من سكر الجلكوز وانا استخدمه 5 جرام قبل التمرين و5 جرام اثناء التمرين مع الماء ولكن بصراحه شوي متخوف من موضوع انه يتخزن فات نقول انشالله الكمية جيدة تكون

[خالد بن حمد]

جرب السايز أون فهو يستخدم اثناء التمرين ويعطي طاقة !

أو جرب البروتين بار ، أو حتى بسكويت الجلكوز .

وإذا كنت لا تريد إستخدام شيء أثناء التمرين فتناول الشوفان مع مكسرات أو عسل قبل التمرين ، كفيل بحفظ الطاقة لساعات .

[.hamad.]

السلام عليكم كباتن ,
بعد قطع الغينر من جدولي بسبب زيادة الدهون وبدء استخدام الواي بروتين أصبح هناك نقص في الطاقه أثناء التمرين حتى الأداء والتركيز قل .. وهذا كله بسبب نقصان طاقة الجسم ( الكارب ) الي كان يوفرها الغينر بشكل ممتاز .
*> أنا كنت في مرحلة ضخامه, لكن كما قلت نسبة الفات زادت وأبي أنزلها لنسبة معقوله بعدها راح أغير الواي بروتين .

فكرت بإضافة سكوبين شوفان ( 30جم كارب تقريباً) مع سكوب سكر أبيض ناعم ( 24 جم كارب ) + جرعة البروتين ( سكوبين واي بروتين 10 جم كارب ) + ماء > قبل التمرين , بل هذا كله قبل التمرين صدقني هذا اقوة من الجنر في تخزين الدهون الف مرة !!
وطبعاً بعد التمرين فقط جرعات البروتين بدون الإضافات ,
هل السكر الأبيض في هذي الحاله راح يخزن فات ؟ .. لأني صراحه ناوي أنزل نسبة الفات من جسمي لتكون بإذن الله في حدود 18-19 % .

+ " كم جرام كارب المفترض أوفره قبل التمرين لإمداد الجسم بالطاقه الكافيه للتمرين ؟ " يعتمد على حسب وزنك والكمية اللي تاخذها طول اليوم ..

ياليت أرائكم ياكباتن .

برايي تاخذ 3 ملاعق كبيرة شوفان مع حليب اشوي + تستخدم منتج سوبر جارج او جاك 3 دي ..

ولا تنسى ان الفات عندك عالي ولازم ينزل ..