ماالحل مع ألم الأكواع عند تمرين التراي سبس !!

[Azo0oz88]

معلومات المتقدم بالاستفسار :
العمر : 24 , الجنس : ذكر

الطول :173 متر
الوزن : 78 كيلوجرام

نسبة الدهون : 18 %

و الاستفسار كالتالي :
السلام عليكم ورحمة الله وبركاته
صبحكم / مساكم الله بالخير جميعا

اعاني من الم بالكوع اثناء تمرين التراي سبس وخاصة مع البار المتعرج والبارح شديت عليها وصبرت على الالم ولكن ندمت اليوم لاني لم استطع الذهاب للنادي للتمرين بسبب الالم في الكوع ،، ابغى الحل من اهل الخبرة بحيث اني اقدر اتمرن واشيل اوزان صح لاني مع هالالم مااقدر ارفع شي ،، شاكر لكم

[abu kinan]

عليك العافيه اخوي وعليك بالتالي
سخن جيدا جيدا بأخف وزن بالنادي حتى تحس الباي والتراي شدت وأفضل تسخين اليد كاملة باي وتراي وسواعد ( انا اسخن ربع ساعه لجميع العضلات )
ممكن تاخذ مجموعة فيتامين ب اسمه نيوروبيون سعره 14 ريال بالصيدلية تاخذ من 3 حبوب باليوم او حبيتن حسب لو عندك في كورس مكملاتك ملتي فايتمن أو لأ
ممكن تاخذ نفس الدواء مجموعة ب ونفس الاسم ولكن حقن تيجي علبة بها 3 حقن ب14 ريال ايضا كل ثلاثة ايام حقنة اكيد مفعول الحقن اسرع وانا استخدمها بشكل دائم
ممكن تاخذ دواء آخر يجمع بين مركبين مهمين هما الأميغا 3 والجلوكوسامين واسم الدواء جوينت كير ماكس من الصيدلية ب81 ريال يكفيك شهر كامل
وفي مكمل جيد للمفاصل اسمه انيمال فلكس تحصله في قسم البيع بس سعره غالي شوي فوق ال200 ريال

[Azo0oz88]

الله يعطيك العافية على الرد السريع وباذن الله امشي على اللي قلتلي ومالك الا الدعاء باذن الله .. شكرا لك

[daughtry]

ازيد على كلام الاخ ..

ملتي فيتامين من اي صيدليه رخيص جدا جدا , + كالسيوم للعظام , رخيص جدا جدا ..

مودتئ (f)

[محمد552]

والله ياوحش انا عندي نفس المشكلة بس العب الزوايا العكسية للتراي وماراح تحس بالم
1 الكيبل باليدين
2 الرفس
3 الكيبل الي تسحبه من ورا
4 الغطس يمكن شوي يعورك
طبعا كيبل يد وحدة على تحت
كل هاي التمارين ماراح تلاقي فيها اي مشكلة وممكن تزيد وزن فيها
موفق ان شاء الله

[oO LoOodDy Oo]

سلامات أخوي

وإذا ما نفع معك كلام أخوي
bu kinana

أفضل لك تسوي إشاعة

أذكر واحد قد اشتكى وصار عنده التهاب بسيط


والله يوفقك.. لوودي

[amma271]

الله يعطيهم العافية الأخوان كلن باسمه ما قصروا و الله

أنا كانت معي هذي الحالة أول ما بديت ألعب حديد
و أرشدني المدرب إني ألبس ضاغط على الكوع و الحمد لله فرق معي كثير

و بعدين لو ما نفع معك الضاغط غير التمرين و قل للمدرب يعطيك تمرين بداله التمارين كثيرة و متنوعة

[Azo0oz88]

الله يعطيكم العافية اخواني ماقصرتو كفيتو ووفيتوو .. تحياتي وشكري

[mshaf3i]

سلامتك اخوي وما تشوف شر

[oO LoOodDy Oo]

الله يعطيكم العافية اخواني ماقصرتو كفيتو ووفيتوو .. تحياتي وشكري

حاضرين اخوي... واذا تحسنت علمنا وش الي افادك

وما تشوف شر


لووودي

[khzzar]

جرب تستخدم كريم افالون وهو مفيد لآلام العضلات والمفاصل ...

انا كان عندي مشكلة في الرسغ فريحت تقريباً 3 ايام وكنت ادهنه يومياً 3 مرات واحط عليه ربطه ضاغطه وبفضل الله اختفى الالم بعد تقريباً 5 ايام تستخدم الكريم قبل النوم والصباح والعصر ولا تشيل الربطه وحاولت تلعب بتمارين ما تأثر على الإصابة لين تختفي الاصابة تماماً..

موفق