التمرين قبل الافطار (كارديو+بطن)

[مبتدأ حديد]

معلومات المتقدم بالاستفسار :
العمر : 19 , الجنس : ذكر

الطول :169 متر
الوزن : 72 كيلوجرام

نسبة الدهون : 17

و الاستفسار كالتالي :
السلام عليكم


كيف الحال ياخوان ..


المهم ياربع انا ودي اتمرين نص ساعه قبل الفطور من 5 الى 5 ونص تقريبا ..
وجري 10 الى ربع ساعه بعدين اخش بطن

ووقت الفطور سكوب واي بعدها بنص ساعه اتفطر عادي بعد التراويح او 10 اخش على جدولي


وش رايكم ؟

[صارم]

وعليكم السلام

هلا أخوى , اذا ناوى تنشيف ممتاز خذ 10 دقائق الى ربع ساعه نظام الفواصل , وبعدها اجلدها بطن على الاقل 6 تمارين مع تمرينين جوانب .
وأسال مجرب ,,,
( بجوابك بسرعه واخرج عشان الشباب لا يصيدوني )

صاحبك مطلوووب

[Booyaka]

^ ^
صدناك لا تحاول الهروب

:::::::::::

اخوي ممكن انك تتمرن قبل الفطور ، لكن حاول انه ماتزيد الفترة عن 45 دقيقة بين نهاية التمرين ووقت الافطار
لانه العضلة هنا محتاجة عناصر غذائية من بروتين و كارب و اللياف وفيتامينات ، وهذا النظام للتنشيف ..

[مبتدأ حديد]

بيض الله وجيهكم ياربع

[AZEEEZ69]

طيب انا عندي سؤال تابع للموضوع

اقدر امشي مشي سريع لمدة ١٠ دقايق وبعدها اتمرن بطن وخواصر قبل الفطور بنص ساعة

وبعد الفطور اتمرن حديد بس

لانه الصراحه بعد تمرين الحديد بالغصب وبدون نفس امرن البطن والخواصر من التعب

الهدف ضخامة عضل صافي

[صارم]

هلا اخوى , الصحيح انك تفتح موضوع خاص بك ...؟؟؟

اخره مره سأزعل المراقبين هكذا وهم على العين والرأس

بإستطاعتك أخى فعل هذه الطريقه ..

[AZEEEZ69]

هلا اخوى , الصحيح انك تفتح موضوع خاص بك ...؟؟؟

اخره مره سأزعل المراقبين هكذا وهم على العين والرأس

بإستطاعتك أخى فعل هذه الطريقه ..

مشكور اخوي صارم وماقصرت
بس كان الهدف اني ما اثقل ولا ازيد بالمواضيع لنفس الاستفسار