استفسار بخصوص هذا الكورس

[bn7med]

السلام عليكم ورحمة الله وبركاته
اسعد الله مساكم جميعاً
اخواني انا كنت استخدم بروتين نيتروتك ومعاه حبوب نتركس اشتريته قبل شهر تقريبا وخلص قبل يومين والان اشتريت نيتروتك ومعاه سيل تك وكلمت المدرب الي في الصاله قلي خذ معاه كمان جلوتامين وكرياتين
ويكون استخدامه السيل تك قبل التمرين فقط والكرياتين بعد التمرين فقط وكمان الجلوتامين بعد التمرين وقبل النوم والبروتين الاستخدام العادي حقه
وانا ليا يومين اشتريت السيل تك والنيتروتك واستخدم السيلتك الصباح وبعد التمرين اول خمس ايام وبعدها فقط بعد التمرين والكابتن يقولي لالا بس قبل التمرين تاخده وينصحني اكمل اشتري الكرياتين والجلوتامين وامشي على الجدول حقه فا ابغى نصيحتكم هل امشي على كلام المدرب ولا امشي على الجدول حقي ولا اشتري الكرياتين والجلوتامين
والسبب من هذا ابغى اضخم
وهذي معلومات عني
طولي : 179
الوزن : 75
الدهون : لا اعلم
العمر : 28
ليا شهرين رجعت العب حديد بعد انقطاع استمر سنه وشهرين
اتمنا تفيدوني واتمنا ما خالفت شي من قوانين المنتدى ^_^
لكم شكري وتحياتي

[THE CAST]

وعليكم السلام ورحمة الله وبركاته

باختصار
لاتاخذ جلوتامين ولاكرياتين لانه المنتجين الي عندك فيهم المكونان المذكوران بنسبه جيده فماله داعي الخسائر الزائده

والاستعمال الامثل لهما كالتالي
سلتك اول خمس ايام
سكوب على الريق + بعد التمرين...سادس يوم ومابعد تاخذه بعد التمرين فقط

نيترو
سكوب بعد الفطور بثلاث ساعات + بعد التمرين (بعد السلتك بنصف ساعه عالاقل)

والاولى بدل الكرياتين والجلوتامين تاخذلك بروتين كازين لقبل النوم


ولاحقا لاجيت تشتري شي الافضل انك تسال هنا
لان لي تعليق عالسلتك والنيترو في مواضيع سابقه لكن دامت عندك فاستعملهم





بالتوفيق

[bn7med]

يعطيك العافيه اخوووي the cast مااقصرت
طيب بخصوص يوم الراحه الي كيف يكون نظامه ؟؟ وانا الان خليت بس الراحه يوم واحد يو الجمعه وكنت مخليه الثلاثاء والجمعه
وابغى رايك في جدول حقي انا العب اول يوم صدر وباي ثاني يوم ظهر وتراي ثالث يوم اكتاف مع رقبه رابع يوم افخاذ مع بطن وزي كذا ايش رايك فيه وتشوف جدول افضل منه
وانا العب على العضلات الكبيره خمس الى سته تمارين كل تمرين من اربع جلسات اول جلسه 12عده وثاني جلسه 10 والثالثه 8 والي بعدها 6 بس اوزان ثقيله والعضلات الصغيره من اربع جلسات نفس العدات
ايش رايك فيه ؟؟
واسف على الاطاله الله يسعدك ويعطيك الصحه والعافيه

[THE CAST]

يعطيك العافيه اخوووي the cast مااقصرت
الله يعافيك

طيب بخصوص يوم الراحه الي كيف يكون نظامه ؟؟ وانا الان خليت بس الراحه يوم واحد يو الجمعه وكنت مخليه الثلاثاء والجمعه
اجعل عندك يومين للراحه
والاستعمال مثل ماهو ايام الراحه

وابغى رايك في جدول حقي انا العب اول يوم صدر وباي ثاني يوم ظهر وتراي ثالث يوم اكتاف مع رقبه رابع يوم افخاذ مع بطن وزي كذا ايش رايك فيه وتشوف جدول افضل منه
اليوم الاول/ صدر+ بطن
الثاني/ ظهر و قطنية + سواعد
الثالث/ اكتاف وترابيس
الرابع / راحه
الخامس/ باي وتراي لكل عضلة ثلاث تمارين فقط + بطن
السادس/ ارجل كاملة
السابع / راحه

وانا العب على العضلات الكبيره خمس الى سته تمارين كل تمرين من اربع جلسات اول جلسه 12عده وثاني جلسه 10 والثالثه 8 والي بعدها 6 بس اوزان ثقيله والعضلات الصغيره من اربع جلسات نفس العدات
ايش رايك فيه ؟؟
واسف على الاطاله الله يسعدك ويعطيك الصحه والعافيه
امين واياك

4-5 تمارين للعظله الكبيره كافيه



موفق باذن الله

[bn7med]

جزاك الله خير اخووي ما قصرت كفيت ووفيت
وراح امشي على الجدول ذا والله يكتب الي فيه الخير
وان شاء الله اذا خلصت من المكملات ذي راح استشيركم
تحيتي لك