استفسار بخصوص مكمل معين ؟

[HENDERSON]

معلومات المتقدم بالاستفسار :
العمر : ٢٠ , الجنس : ذكر

الطول :١٦٤ متر
الوزن : ٥٨ كيلوجرام



و الاستفسار كالتالي :
السلام عليكم

كيفكم ياشباب .. عندي سؤال بخصوص المكملات قبل ما اشتري ..

لاني قبل كم يوم شفت مجله في الصاله .. وشفت بعض المكملات التي تآثر على منطقه معينه في الجسم

فاهمين قصدي كيف ؟

فآنا عندي مشكله البطن ابي ٦ باك .. وجسمي راح ينهار لو سويت تخسيس او تنشيف لانه ناشف اصلا ( بس عندي البطن اللعين ههه )

فانا راح اضخم ان شاء الله .. وفي هل فتره وانا اضخم راح اركز على البطن ايضا

بس .. عندي سؤالين :-

الآول : ماهو المكمل المناسب الذي يركز على عضلات البطن ؟

الثاني : لبناء عضلات بطن ( اكثر بروتين + اقلل كارب + نسبه الدهون قلييييله جدا ) .. ولكن هل امتنع عن الرز الآبيض لو اكله عادي ؟

وشاكر لكم

اخوكم حسن من الخبر

[the rock 911]

ايش هي المكملات الي تاثر على منطقة معينة الي شفتها ؟ ؟

[HENDERSON]

اهلين رووكي ^^ . .والله ناسي .. بس المجله عندي .. شويات وبحط اسم كم مكمل وتآثيره ( طبعا حسب الصوره الا اشوفها في المجله ) . .انا موخبير بهل اشياء بس حبيت اسآل ^^ .. استنا ردي بعد قليل ^^

[amma271]

و عليكم السلام

* أخوي حاول تحصر تناولك للسكريات و الكربوهيدرات البسيطة فقط اول ما تصحى و بعد التمرين
* ايضا راح تتجنب الغازيات و البيرة و حتى اذا بغيت تشرب عصير طبيعي احرص انه يكون خلاط و ليس كبس لأن الالياف الي بالفاكهة تحافظ على مستوى الانسولين و بالتالي تحد من الدهون
* ايضا تجنب النوم على بطنك لانه يسبب ارتخاء في اربطة البطن
* تجنب الشرب اثناء الاكل و ان كان لابد فثلث للطعام و ثلث للشراب و ثلث للنفس
* ايضا استبدل الرز الابيض بالرز الاسمر و على فكره الرز الاسمر طعمه ممتاز و يحتاج مدة طبخ اطول من الرز الابيض بقليل و غالبا تحصله في العثيم (ارز المهيدب) يجي على شكل علبة بلاستك و ليس كيس.

بالنسبة للدهون:
احرص على الدهون النافعة يعني خذ زيت سمك و برضه مكمل CLA سمعته جيدة بخصوص حرق الدهون و انا راح ابدأ فيه الاسبوع الجاي بإذن الله

بخصوص المكملات ايضا
الكارنتين ممتاز أنا لي حاليا أسبوع ونص مداوم عليه المنتج حتى الآن مبشر بالخير
و فيه لو حبيت مفعول أقوى و استهداف لمنطقة البطن بالتحديد عندك الكارنتين السائل و هذا طريقته انك تحقنه عن طريق الابر في المناطق الي فيها الدهون
طبعا لازم تمارس معه كارديو عشان تشوف نتايج ممتازة

[HENDERSON]

^^^

تسلم اخي .. يعني بهل نصايح و المكملات .. مايحتاج احرق دهون البطن بعدين العب حديد

يعني عادي لو اهتميت للبطن وللحديد ؟ ( طبعا بالتمارين ايضا بخصوص البطن )

[HENDERSON]

وحبيت اسآل .. كم سعر العلبه للكارنتين ؟

[amma271]

أخوي بالنسبة لتمارين البطن راح تشد العضلات عندك و تضخمها لكن مالها علاقة بحرق الدهون الي فوقها
لو تقرا في موقع بودي بيلدنق تجارب بعض الأعضاء الناجحين بتحصل انهم يلعبون كارديو بشكل معقول وقت التضخيم
يعني راح تلعب تضخيم لكن في نفس الوقت العب كارديو خفيف وتجنب المحاذير الي قلت لك عليها في الرد السابق و تناول البروتين بشكل كافي من 2 إلى 2.5 جرام لكل كيلوجرام من وزنك

أيضا خوي الدهون المفيدة لازم تضيفها لجدولك الغذائي مثل زيت السمك و زيت الزيتون و بذور الكتان و مكمل CLA
الدهون المفيدة تجعل الجسم يفكك الدهون المخزنة عندك و بمعنى أدق الدهون النافعة تذيب الدهون المخزنة في الجسم

بخصوص سعر الكارنتين تحصله في بودي بيلدنق يتفاوت بتفاوت التركيز ما بين 8-15$ تقريبا
لو تطلع للبحرين برضه اتوقع تحصله قريب من السعر هذا